Azərbaycan gimnastının dünya çempionatında təqdim etdiyi yeni element təsdiq olunub
Bakı, 2 noyabr, AZƏRTAC
İngiltərənin Liverpul şəhərində kişi və qadın idman gimnastikası üzrə dünya çempionatında ölkəmizi təmsil edən yığma komandamızın üzvləri - İvan Tixonov, Nikita Simonov, Samirə Qəhrəmanova və Milana Minakovskaya çıxışlarını başa vurublar.
AZƏRTAC Azərbaycan Gimnastika Federasiyasına istinadla xəbər verir ki, təmsilçilərimizdən ən yaxşı nəticəni halqalar ilə hərəkətin icrasında Nikita Simonov göstərib. O, dünya çempionatını 11-ci pillədə başa vurub.
Ən güclülərin yarışında millimizin üzvü Nikita Simonovun halqaların icrası üzrə təqdim etdiyi yeni element Beynəlxalq Gimnastika Federasiyasının (FIG) kişi idman gimnastikası üzrə Texniki Komitəsi tərəfindən təsdiq edilib.
Qeyd edək ki, kişi idman gimnastikası üzrə qaydalara əsasən, dünya çempionatında əvvəlcədən təqdim edilən indiyədək heç vaxt icra olunmayan istənilən orijinal element yarış zamanı idmançı tərəfindən qüsursuz şəkildə yerinə yetirilərsə, həmin hərəkət idmançının adı ilə adlandırılır.
Bölmənin digər xəbərləri
