AZƏRBAYCAN GİMNASTLARI TBİLİSİDƏ İKİ QIZIL VƏ BİR GÜMÜŞ MEDAL QAZANMIŞLAR
Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, idman ustalığına namizədlər arasında Murad Tatlıyev birinci olmuşdur. Bakı Gimnastika Məktəbinin yetirməsi çoxnövçülüyün nəticələrinə görə 109,3 bal toplayaraq, birinci yeri tutmuşdur. Gimnastika məktəbinin nümayəndəsi Mirvaqif Bağırov birinci dərəcəli idmançılar arasında fəxri kürsünün yüksək pilləsinə qalxmışdır. Onun klub yoldaşı Fərid Quliyev ikinci olmuşdur.
Məşqçi Teymur Zəkiyevin sözlərinə görə, gimnastlarımız bütün alətlərdə həm sərbəst, həm də mütləq proqramları səhvsiz yerinə yetirmişlər. O demişdir: “Bütün mütəxəssislər vurğulamışlar ki, Azərbaycanda perspektivli gənclər yetişir və onlar tezliklə özlərini göstərəcəklər”.
Fransada isə tamblinq üzrə Avropa çempionatı başa çatır. Çempionatda ölkəmizi təmsil edən Səid Səlimov və Hafiz Rzayev təsnifat mərhələsindən keçə bilməmişlər.
Bölmənin digər xəbərləri
