AZƏRBAYCAN GÜLƏŞÇİLƏRİ POLŞAYA YOLA DÜŞMÜŞLƏR
Yarışda Azərbaycanı baş məşqçi Elçin Cəfərovun rəhbərliyi ilə 6 güləşçi təmsil edəcəkdir. Avqustun 23-də Polşaya yola düşən yığma komandanın heyətinə Rövşən Bayramov (55 kq), Cavid Abdullayev (55 kq), Vitali Rəhimov (60 kq), Zakir Abdullayev (60 kq), Elbrus Məmmədov (66 kq) və İlqar Abdulov (74 kq) daxildir.
Xatırladaq ki, üç gün öncə Polşanın Sedlçe şəhərində keçirilmiş sərbəst güləş üzrə beynəlxalq turnirdə Azərbaycan idmançıları iki gümüş, bir bürünc medal qazanmışlar.
Sentyabrın 25-dən oktyabrın 1-dək Çində keçiriləcək dünya çempionatında iştirak edəcək Azərbaycan idmançıları üçün bu turnirlər sonuncu yoxlama-sınaq yarışlarıdır.
Bölmənin digər xəbərləri
