AZƏRBAYCAN HƏQİQƏTLƏRİNİ YAYAN ŞAGİRD
Mingəçevir Özəl Türk Litseyinin şagirdi Emil Qafarlı AŞB Dövlət Departamentinin maliyyələşdirdiyi “Azadlığa Dəstək Aktı” layihəsinin qalibi kimi Viskonsin şəhər kollecində bir il təhsil almışdır. Bu müddətdə o, dünyanın 13 ölkəsində yayılan “Pulaski Nyus” qəzetinin səhifələrində “Azərbaycan dövlət müstəqilliyini möhkəmləndirir”, “Azərbaycan xalqı terroru lənətləyir”, “Qara Yanvar Rus imperiyasının Azərbaycana “hədiyyəsidir”, “Üzeyir Hacıbəyov Azərbaycan musiqisinin korifeyidir” sərlövhəli, rəngli fotoşəkillərlə məqalələr dərc etdirmiş, dünyanın 100-dən çox ölkəsindən 1500-dən çox şagirdin oxuduğu kollecdə respublikamızın dövlət müstəqilliyi və Novruz bayramı münasibətilə musiqili-əyləncəli şənliklər təşkil etmiş, ABŞ-ın sabiq Prezidentinin xanımı, senator Hilları Klintonla, habelə diplomat xanım Elizabet Consla şəxsən tanış olmuşdur.
Doğma şəhərə qayıdan Emilə litseyin müəllim və şagirdlərinin görüşündə ona təhsildə qazandığı uğurlara və Azərbaycan həqiqətlərinin yayılmasında fəaliyyətinə görə şəhər icra hakimiyyəti başçısının fəxri fərmanı təqdim edilmişdir.
Bölmənin digər xəbərləri
