AZƏRBAYCAN İDMANÇISI KOMANDASINA ÜÇÜNCÜ QIZIL MEDALI QAZANDIRMIŞDIR
AZƏRTAC xəbər verir ki, noyabrın 29-da Bakıda hərbçilər arasında boks üzrə dünya çempionatının final mərhələsində daha bir Azərbaycan idmançısı komandasına üçüncü qızıl medalı qazandırmışdır.
57 kiloqram çəki dərəcəsində mübarizə aparan Elşən İsmayılov Yadav Lal Chote (Hindistan) ilə döyüşmüşdür.
Qarşılaşma Azərbaycan boksçusunun tam üstünlüyü ilə başa çatmışdır. Fiziki cəhətdən rəqibdən daha üstün olan E.İsmayılov 9 xal fərqi ilə qələbəyə imza atmışdır.
54 kiloqram çəki dərəcəsi üzrə final qarşılaşmasında isə özbəkistanlı Tulaçboy Doniyarov fəxri kürsünün ən yüksək pilləsinə qalxmışdır. O, bu qələbəni italiyalı Vittorio Parrinello üzərində qazanmışdır.
Bölmənin digər xəbərləri
