AZƏRBAYCAN İLƏ VATİKAN ARASINDA ƏLAQƏLƏR İNKİŞAF EDİR
Xarici İşlər Nazirliyinin mətbuat mərkəzindən AZƏRTAC-a bildirmişlər ki, görüşdə nazir Elmar Məmmədyarov Azərbaycanın Vatikanla münasibətlərin və işgüzar əlaqələrin möhkəmlənməsinə, səmərəli əməkdaşlığın bir çox sahələrdə davam etdirilməsinə tərəfdar olduğunu vurğulamışdır.
Klaudio Qucerotti ölkələrimiz arasındakı dostluq münasibətlərini yüksək qiymətləndirmiş, Vatikanın Azərbaycanla bütün sahələrdə əməkdaşlığın inkişafına böyük əhəmiyyət verdiyini məmnunluq hissi ilə qeyd etmişdir. O, səfərinin məqsədinin yaxın zamanda Bakıda katolik kilsəsinin inşa edilməsi ilə əlaqədar görülən işlərlə bağlı olduğunu nazirin diqqətinə çatdırmışdır.
Sonra ölkəmizin xarici siyasət idarəsinin başçısı Elmar Məmmədyarov Ermənistan-Azərbaycan, Dağlıq Qarabağ münaqişəsinin həlli istiqamətində görülən işlər, beynəlxalq qurumların bu istiqamətdəki fəaliyyəti barədə qonağa ətraflı məlumat vermişdir.
Görüşdə qarşılıqlı maraq doğuran bir sıra məsələlər də müzakirə edilmişdir.
Bölmənin digər xəbərləri
