Azərbaycan Kuboku: “Qarabağ”ın 1/8 finaldakı rəqibi dəqiqləşib
Bakı, 28 noyabr, AZƏRTAC
Futbol üzrə Azərbaycan Kubokunda II təsnifat mərhələsinə start verilib.
AZƏRTAC xəbər verir ki, bu günə nəzərdə tutulan beş görüşdən üçü artıq başa çatıb.
Doğma meydanda “Cəbrayıl”ı 4:0 hesabı ilə məğlub edən MOİK 1/8 finalda “Qarabağ”a rəqib olub.
“Karvan” evdə “Difai Ağsu” komandasını 1:0, “İrəvan” isə səfərdə “Araz Saatlı”nı 4:1 hesabı ilə üstələyib. Növbəti mərhələdə Yevlax təmsilçisi “Lerik” - “Sumqayıt” duelinin, “İrəvan” isə "Kür-Araz" - “Araz-Naxçıvan” cütünün qalibi ilə qarşılaşacaq.
Bölmənin digər xəbərləri
