Azərbaycan Kubokunda 1/4 finalın ilk iştirakçısı bəlli olub
Bakı, 3 dekabr, AZƏRTAC
Futbol üzrə Azərbaycan Kubokunda 1/4 finalın ilk iştirakçısı bəlli olub.
AZƏRTAC xəbər verir ki, 1/8 finalda I Liqa təmsilçisi “Mingəçevir”ə 2 cavabsız qolla qalib gələn “Səbail” adını növbəti raunda yazdırıb.
Premyer Liqa klubunun heyətində qolları 53-cü dəqiqədə Emin Rüstəmov və 62-ci dəqiqədə Nihad Quliyev vurublar.
“Səbail” 1/4 finalda “Qəbələ” – “Qarabağ” matçının qalibi ilə qarşılaşacaq.
Qeyd edək ki, Azərbaycan Kubokunda 1/8 finalın digər oyunları bu gün və sabah keçiriləcək.
Bölmənin digər xəbərləri
