Azərbaycan Kubokunun yarımfinalında məhsuldarlıq rekordu yenilənib
Bakı, 25 aprel, AZƏRTAC
Azərbaycan Kubokunun yarımfinal mərhələsində 14 qol vurulub.
AZƏRTAC Peşəkar Futbol Liqasının rəsmi saytına istinadən xəbər verir ki, “Qarabağ”la “Neftçi”nin görüşlərində (4:0, 4:1) doqquz, “Zirə”ylə “Qəbələ”nin matçlarında (2:1, 2:0) beş top qeydə alınıb.
Bu, turnirin tarixində mütləq rekorddur. İndiyədək yarımfinalda ən çox qol 1994/1995-ci və 2008/2009-cu illər mövsümlərində vurulub. Hər iki halda bu rəqəm 13-ə bərabər olub.
“Qarabağ”la “Neftçi”nin dueli isə turnirin tarixində ən məhsuldar və ən böyük fərqin təkrar qeydə alındığı yarımfinaldır. 2021/2022-ci illər mövsümündə “Qarabağ” “Qəbələ”ni 3:1 və 5:0 hesabları ilə məğlub edib.
Bölmənin digər xəbərləri
