Azərbaycan millisi Slovakiyada ABŞ yığması ilə qarşılaşacaq
Bakı, 10 may, AZƏRTAC
2000-ci il təvəllüdlü futbolçular arasında Slovakiyada təşkil olunmuş beynəlxalq turnirdə qrup mərhələsinə yekun vurulub.
AZƏRTAC xəbər verir ki, 19 yaşadək futbolçulardan ibarət Azərbaycan yığması üçüncü turda Slovakiya komandası ilə qarşılaşıb. Oyun qolsuz bərabərliklə yekunlaşıb. Bu nəticədən sonra hesabındakı xalları 4-ə çatdıran yığmamız qrupda 2-ci yeri tutub. Turnirin əsasnaməsinə uyğun olaraq, qrup qalibləri finalda, 2-ci pilləni tutan komandalar isə 3-cü yer uğrunda oyunda mübarizə aparmalıdır. Yığmamız mayın 11-də keçiriləcək üçüncü yer uğrunda oyunda digər qrupun ikincisi olan ABŞ komandası ilə qarşılaşacaq.
Finalda isə Slovakiya və Çexiya üz-üzə gələcək.
Bölmənin digər xəbərləri
