Azərbaycan Ombudsmanı: Dünya ictimaiyyətini terrorizmə qarşı birgə mübarizədə fəal olmağa çağırırıq
Bakı, 21 avqust, AZƏRTAC
Azərbaycan Ombudsmanı Beynəlxalq Terrorizm Qurbanlarının Anım Günü ilə əlaqədar bəyanat yayıb.
AZƏRTAC xəbər verir ki, bəyanatda deyilir:
“Beynəlxalq Terrorizm Qurbanlarının Anım Günü BMT Baş Assambleyasının 2017-ci il 19 dekabr tarixli qətnaməsinə əsasən təsis edilib və hər il 21 avqust tarixində dünyada qeyd olunur. Bu günün əsas məqsədi terror qurbanlarına və ondan zərər çəkənlərə ehtiram göstərmək, onlara dəstək olmaq, hüquq və əsas azadlıqlarının qorunmasına və tam şəkildə həyata keçirilməsinə təkan verməkdir. Ermənistanın etnik nifrət zəmnində həyata keçirdiyi terror siyasətindən uzun müddət əziyyət çəkərək çoxsaylı insan tələfatları vermiş bir ölkənin Ombudsmanı olaraq, terrorizmin bütün formalarını qətiyyətlə pisləyir, terror qurbanlarının xatirəsini ehtiramla yad edir və dünya ictimaiyyətini terrorizmə qarşı birgə mübarizədə fəal olmağa çağırırıq!”.
Bölmənin digər xəbərləri
