Azərbaycan Premyer Liqasında ən çox legionerlə təmsil olunan ölkə hansıdır? - ARAŞDIRMA
Bakı, 27 dekabr, AZƏRTAC
Cari mövsüm Azərbaycan Premyer Liqasında 113 əcnəbi futbolçu qeydiyyatdan keçib.
AZƏRTAC xəbər verir ki, həmin oyunçular ümumilikdə 45 ölkəni təmsil edirlər.
Azərbaycan çempionatında ən çox legioneri olan Braziliyadır. Hazırda Premyer Liqada 14 “sambaçı” var.
İkinci sırada 12 futbolçu ilə Fransa qərarlaşıb. Portuqaliya və Nigeriya hərəyə 7, İspaniya və İsrail hərəyə 6, Gürcüstan 5, Rusiya 4, Belarus 3 oyunçu ilə təmsil olunur.
Bu mövsüm ölkə çempionatında Monteneqro, Albaniya, Kot-d’İvuar, Serbiya, Niderland, Moldova, Belçika və Qanadan hərəyə 2 legioner qeydiyyata alınıb.
Kabo Verde, Kolumbiya, Yunanıstan, İtaliya, Niger, Qvineya, Xorvatiya, Macarıstan, Paraqvay, Argentina, İngiltərə, Burundi, Yaponiya, Çad, Estoniya, Konqo, Toqo, Panama, Bolqarıstan, Mərakeş, Yamayka, Lüksemburq, Mali, İordaniya və Toqonun isə Premyer Liqada cəmi 1 təmsilçisi var.
Bölmənin digər xəbərləri
