AZƏRBAYCAN PREZİDENTİ İLHAM ƏLİYEV BMT-NİN QADINLAR ÜÇÜN İNKİŞAF FONDUNUN İCRAÇI DİREKTORU XANIM NOELİN HEYZERİ QƏBUL ETMİŞDİR
Azərbaycan Respublikasının Prezidenti İlham Əliyev mayın 25-də Prezident sarayında BMT-nin qadınlar üçün inkişaf fondunun icraçı direktoru xanım Noelin Heyzeri qəbul etmişdir.
Azərbaycanda səmərəli görüşlər keçirdiyini söyləyən xanım Noelin Heyzer MDB ölkələri arasında ilk dəfə respublikamıza səfər etdiyini bildirdi. Ölkəmizin inkişafının çox vacib bir mərhələsində Bakıya səfərə gəldiyini vurğulayan qonaq, Azərbaycanın sürətlə artan iqtisadi göstəricilərinə görə Prezident İlham Əliyevi təbrik etdi. O, Azərbaycanda əldə olunan gəlirlərin insanların rifahına yönəldilməsini xüsusi vurğuladı.
Dövlətimizin başçısı da bunun çox önəmli bir məsələ olduğunu, Azərbaycanda iqtisadi inkişafın daha çox sosial, humanitar sahələrə istiqamətləndirildiyini bildirdi. Prezident İlham Əliyev ölkəmizdə əhalinin rifah halının yaxşılaşdırılması üzrə bir sıra proqramların - təhsil, səhiyyə, regional inkişaf proqramlarının uğurla həyata keçirildiyini nəzərə çarpdırdı.
Bölmənin digər xəbərləri
