AZƏRBAYCAN PREZİDENTİ İLHAM ƏLİYEV BMT-NİN REZİDENT-ƏLAQƏLƏNDİRİCİSİ BRUNO PUEZANI QƏBUL ETMİŞDİR
Azərbaycan Respublikasının Prezidenti İlham Əliyev fevralın 27-də Prezident sarayında BMT-nin rezident-əlaqələndiricisi Bruno Puezanı qəbul etmişdir.
Qonaq Azərbaycanda fəaliyyətə başlamasından məmnunluğunu bildirdi. O, Prezident İlham Əliyevin müdrik rəhbərliyi və güclü idarəçiliyi sayəsində respublikamızda görülən çox böyük işlərin şahidi olduğunu dedi. Bruno Pueza Azərbaycanın böyük potensiala malik olduğunu qeyd etdi və BMT-nin rezident-əlaqələndiricisi kimi fəaliyyəti dövründə ölkəmizin daha da inkişafı üçün bütün imkanlardan istifadə edəcəyini vurğuladı.
Dövlətimizin başçısı BMT-nin rezident-əlaqələndiricisi Bruno Puezaya yeni təyinatı münasibətilə təbriklərini çatdırdı. Azərbaycanın böyük inkişaf mərhələsində olduğunu bildirən Prezident İlham Əliyev respublikamızda bütün sahələrdə aparılan inkişaf və quruculuq işlərindən danışdı, diplomata ölkəmizdəki fəaliyyətində uğurlar arzuladı.
Bölmənin digər xəbərləri
