AZƏRBAYCAN REGİONUN MÜHÜM SƏNAYE MƏRKƏZİNƏ ÇEVRİLƏCƏKDİR

31.10.2006 [10:45]
Çap et
A⁺ A^-

AZƏRTAC xəbər verir ki, Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə Röyter agentliyinin müxbirinin sualına cavabında bildirmişdir ki, hazırda biz, əsasən, təhsil və elm sahəsinə investisiya qoyuruq. İnkişaf etmiş ölkələrin təcrübəsi göstərir ki, bu və ya digər ölkənin uğurunu irəlicədən müəyyən edən neft və ya qaz deyil, beyin və texnologiyalardır. Biz müasir Azərbaycan naminə güclü intellektual potensialın yaradılması məqsədi ilə və eyni zamanda, gənclərin dünyada baş verənlərdən xəbərdar olması üçün gələcək nəsillərə, informasiya texnologiyalarına, iqtisadiyyatın qeyri-neft sektoruna sərmayə qoyuruq.

Digər proqramın sənayenin inkişafı ilə bağlı olduğunu vurğulayan dövlət başçısının sözlərinə görə, xaricdən və Azərbaycandan qeyri-neft sektoruna sərmayələrin cəlb edilməsi məqsədi ilə kapitalı 100 milyon ABŞ dolları təşkil edən Dövlət İnvestisiya Şirkəti yaradılmışdır. Biz bunu neftin tükəndiyi zaman güclü iqtisadiyyata nail olmaq və gələn 5-10 il müddətində neft qiymətlərindən asılılığı minimum həddə endirmək məqsədi ilə edirik. Biz gündəlikdə olan bütün layihələri həyata keçirsək, iqtisadiyyatımız 5-10 ildən sonra neftdən asılı olmayacaq və Azərbaycan bu regionun mühüm sənaye mərkəzinə çevriləcəkdir.

AZƏRBAYCAN REGİONUN MÜHÜM SƏNAYE MƏRKƏZİNƏ ÇEVRİLƏCƏKDİR

MÜƏLLİFLƏ ƏLAQƏ

Bölmənin digər xəbərləri