RƏSMİ XRONİKA
AZƏRBAYCAN RESPUBLİKASI PREZİDENTİNİN MƏTBUAT XİDMƏTİNİN MƏLUMATI
Azərbaycan Respublikasının Prezidenti cənab Heydər Əliyev 2003- cü il aprelin 21- də Cəmşid Naxçıvanski adına hərbi litseyin 30 illik yubileyi münasibətilə Respublika sarayında keçirilən tədbirdə tribunada nitq söyləyərkən arterial qan təzyiqinin kəskin şəkildə aşağı düşməsi nəticəsində ani olaraq müvazinətini itirərək yıxılmışdır.
Aparılan tibbi müayinələr onun kürək nahiyəsində yumşaq toxumaların əzildiyini və sol 6-cı qabırğasında çat yarandığını aşkar etmişdir. Bununla əlaqədar hazırda onun ev şəraitində müalicəsi tədbirləri davam etdirilir. Prezident Heydər Əliyev özünü yaxşı hiss edir.