AZƏRBAYCAN RESPUBLİKASININ PREZİDENTİ İLHAM ƏLİYEVİN NİTQİ
- Əziz həmvətənlər!Əziz bacılar və qardaşlar!
Mən sizin hamınızı Azərbaycan xalqının ən sevimli bayramlarından biri - Novruz bayramı münasibətilə ürəkdən təbrik edirəm, bütün Azərbaycan xalqına xoşbəxtlik, yeni-yeni uğurlar arzulayıram.
Azərbaycan xalqı bu gözəl bayramı əsrlər boyu öz qəlbində yaşatmışdır. Ancaq biz müstəqillik əldən edəndən sonra bu bayram Azərbaycanda rəsmi bayram kimi qeyd olunur. Bu il bu bayram Azərbaycanda beş gün qeyd ediləcəkdir. Əgər şənbə və bazar günlərini də əlavə etsək, belə çıxır ki, bir həftə ərzində Azərbaycanda bu bayram geniş şəkildə qeyd olunacaqdır. Birinci növbədə, bu onu göstərir ki, Novruz bayramı bizim üçün ən əziz, ən sevimli bayramdır. İkinci tərəfdən, bu bayramın yeddi gün ərzində qeyd olunması hər bir ailəyə imkan yaradır ki, məzuniyyətdən başqa, ildə bir dəfə ailə birlikdə olsun, istirahət etsin və dincəlsin. 
Hesab edirəm ki, Azərbaycanın indiki şəraiti bizə bu imkanları yaradır. Ölkəmiz sürətlə inkişaf edir, iqtisadi artım çox sürətlidir və belə olan halda, əlbəttə ki, gözəl bayramları qeyd etmək insanlara daha da xoşdur.
Hesab edirəm ki, Azərbaycanın indiki şəraiti bizə bu imkanları yaradır. Ölkəmiz sürətlə inkişaf edir, iqtisadi artım çox sürətlidir və belə olan halda, əlbəttə ki, gözəl bayramları qeyd etmək insanlara daha da xoşdur.Novruz bayramı, qeyd etdiyim kimi, bizim ən sevimli, ən əziz bayramımızdır və Azərbaycan xalqı bütün dövrlərdə bu bayramı çox geniş şəkildə qeyd edirdi. Sadəcə olaraq, rəsmi bayram kimi bu, son 15 il ərzində qeyd olunur. Amma bütün ailələrdə əsrlər boyu bu bayram qeyd olunurdu və beləliklə, bayram, bizim milli mənəvi dəyərlərimiz, ənənələrimiz Azərbaycan xalqının inkişafında çox böyük rol oynamışdır. Azərbaycan xalqını bir xalq kimi qorumuşdur, möhkəmləndirmişdir. Baxmayaraq ki, müstəqillikdən məhrum idik, ancaq bizim ənənələrimiz, mədəniyyətimiz, milli mənəvi dəyərlərə bağlılığımız bizi bir millət kimi qorudu və möhkəmləndirdi.
Bu gün müstəqillik şəraitində Azərbaycan çox uğurla, çox inamla addımlayır. Qarşıda istər iqtisadi sahədə, istərsə də başqa sahələrdə duran bütün vəzifələr öz həllini tapır. Son üç il ərzində Azərbaycan iqtisadi inkişaf sürətinə görə dünyada birinci ölkədir. Bu liderliyi əldə etmək çox çətin məsələ idi. Onu qoruyub saxlamaq isə bundan da çətin məsələdir. Çünki ildən-ilə artan iqtisadi potensialı yüksək səviyyədə saxlamaq, əlbəttə ki, çox böyük fədakarlıq tələb edir. Bu inkişaf bizim üçün çox böyük imkanlar açır. Azərbaycan xalqı bu gözəl imkanlardan artıq bəhrələnir. İqtisadi artım hər sahədə özünü göstərir. Aparılan geniş quruculuq-abadlıq işləri ölkəmizi hərtərəfli inkişaf etdirir. Regionların sosial-iqtisadi inkişafı Dövlət proqramı uğurla icra olunur. Azərbaycanda yoxsulluq kəskin şəkildə aşağı düşübdür, işsizlik azalıbdır. Vəzifə isə ondan ibarətdir ki, Azərbaycanda yoxsulluq tamamilə aradan götürülsün və biz bunu edəcəyik. Üç il bundan əvvəl bu vəzifə qarşıya qoyulub və bu üç il ərzində görülən işlər göstərir ki, biz düzgün istiqamətdə inkişaf edirik.
Azərbaycanda siyasi proseslər çox müsbət istiqamətdə inkişaf edir. Bərqərar olunmuş ictimai-siyasi sabitlik ölkəmizin inkişafı üçün başlıca şərtdir. Ölkəmizdə qayda-qanun var, nizam-intizam var, eyni zamanda, hüquqi dövlət qurulur. Demokratikləşmə prosesləri çox sürətlə gedir. Azərbaycan dünya birliyinə çox sürətlə inteqrasiya edir və dünyada mövcud olan ən mütərəqqi təcrübəni tətbiq edir. Bu, bizə imkan verəcək ki, dünya iqtisadiyyatına daha da sürətlə inteqrasiya edək, Azərbaycanda açıq cəmiyyət möhkəmlənsin, demokratik proseslər daha da sürətlə getsin. Bütün azadlıqlar təmin olunsun və qanunun aliliyi tam şəkildə təmin edilsin.
İqtisadi islahatlarla bərabər, siyasi islahatların da böyük önəmi var. Azərbaycanın müsbət təcrübəsi onu göstərir ki, bütün istiqamətlərdə addımlar vaxtında və düzgün atılmışdır. Bütövlükdə, ölkəmizin gələcəyi üçün çox gözəl şərait var. İqtisadi gücümüz artır, siyasi sabitlik bizə əlavə güc verir. Bölgədəki layihələrdə Azərbaycan fəal rol oynayır və bölgədəki imkanlarımız genişlənir. Bakı-Tbilisi-Ceyhan neft kəmərinin işə düşməsi bizim önəmimizi xeyli dərəcədə artırıbdır. Bu il Bakı-Tbilisi-Ərzurum qaz kəmərinin işə düşməsi də nəzərdə tutulubdur. Bu il biz Azərbaycan üçün, bütün bölgə üçün çox böyük önəm daşıyan Bakı-Tbilisi-Qars dəmir yolunun tikintisinə başlayacağıq. Uzun illər ərzində müzakirə olunan bu layihə artıq reallığa çevrilir. Bu, bizim iradəmizin, bizimlə qonşu ölkələrin birgə səylərinin nəticəsidir. Azərbaycan xalqının iradəsinin nəticəsidir. Bu, bir daha göstərir ki, bizim qarşımızda duran hər bir məsələ, hər bir vəzifə öz həllini tapır. Elə məsələ yoxdur ki, biz onu həll etmək istəyək, fəqət nail olmayaq. Bu, bizim gücümüzü, Azərbaycanın müstəqil ölkə kimi möhkəm olduğunu göstərir. Biz müstəqil siyasət aparırıq. Bizim siyasətimiz yalnız və yalnız Azərbaycan xalqının milli maraqlarına söykənir və Azərbaycan xalqının milli maraqlarının təmin edilməsi üçün aparılır.
Bizim şəhərimiz, paytaxtımız Bakı da gözəlləşir. Bir müddət bundan əvvəl Bakının qəsəbələrinin inkişaf proqramı qəbul edilibdir. Bu proqram da uğurla icra olunur. Çoxlu məktəblər, xəstəxanalar tikilir, bütün lazımi infrastruktur layihələri həyata keçirilir. O cümlədən şəhərimiz də gözəlləşir. Şəhər infrastrukturuna da böyük investisiyalar qoyulur. Bildiyiniz kimi, dünən Bakının nəqliyyat probleminin həlli üçün yeni iki gözəl körpü və tunel istismara verilibdir. Bu, insanlara daha da böyük rahatlıq verəcəkdir. Artıq bundan əvvəl iki körpü istismara verilmişdir və növbəti aylarda beş yerdə yeni körpülərin açılması nəzərdə tutulur. Biz bütün bunları insanlarıın rahatlığı üçün, yaxşı yaşaması üçün edirik. Bu məsələlərə çox böyük vəsait sərf olunur.
Bildiyiniz kimi, bu vəsait gəlir gətirən investisiyalar deyildir. Sadəcə olaraq, bakılıların rahatlığı üçündür. Bu məqsədlə bir müddət bundan əvvəl Bakını içməli su ilə təmin etmək üçün böyük su kəməri tikilməyə başlanmışdır. Bu da çox böyük layihədir. Uzun illər, bəlkə də onilliklər ərzində müzakirə olunan bu layihəni artıq biz öz vəsaitimizlə həyata keçiririk. Beləliklə, 2008-ci ilin sonuna qədər Bakının su problemi tamamilə aradan qaldırılacaqdır. Biz böyük neft layihələri həyata keçirdik və o layihələrdən, neft kəmərlərindən əldə olunan gəlirləri məhz su kəmərinin tikintisinə yönəldirik. Bunun da çox böyük rəmzi mənası var. Yəni Azərbaycanın milli sərvətləri Azərbaycan xalqının yaxşı yaşamasına yönəldilir. Elə etmək istəyirik ki, Azərbaycanda insanları narahat edən heç bir məsələ qalmasın.
İndi Bakıda çox böyük, geniş quruculuq, abadlıq işləri aparılır. Tarixi binalar təmir olunur. Vəzifə qoymuşam ki, Bakının bütün tarixi binaları yüksək səviyyədə təmir olunsun, ən müasir standartlara cavab versin. Bununla bərabər, bütün muzeylərdə təmir işləri aparılır, onların həm daxili, həm də xarici görünüşü yeniləşir. Teatrlarda təmir işləri gedir. İndi Bakıda Yaşıl Teatrın təmir-bərpa işləri sona çatır. On ildən artıqdır ki, Yaşıl Teatr, bakılıların sevimli yeri yararsız, dağılmış vəziyyətdə idi. Biz onu ən yüksək səviyyədə bərpa edirik. Bakıda Muğam Teatrının tikintisinə başlanmışdır. Xalça Muzeyi üçün çox möhtəşəm, əzəmətli və milli ənənələrə uyğun olan yeni binanın tikintisi nəzərdə tutulubdur. Başqa layihələr də var. Yəni bizim gözəl şəhərimiz daha da gözəlləşməlidir. Biz bunu edirik və edəcəyik, çünki imkanlarımız artır.
Bildiyiniz kimi, biz bütün imkanları Azərbaycanın dünyadakı mövqelərinin möhkəmlənməsinə yönəldirik, daxili məsələlərin həllinə və insanların gündəlik tələbatlarının ödənilməsinə yönəldirik. Bu baxımdan sosial məsələlərin həlli də çox önəmlidir. Maaşlar və pensiyalar ildə ən azı iki dəfə artırılır. Minimum əmək haqqı qaldırılır və bu proses bundan sonra da gedəcəkdir. Azərbaycan xalqı ildən-ilə daha da yaxşı yaşamalıdır və yaşayacaqdır. Məqsəd qoymuşuq ki, yoxsulluq aradan qaldırılsın və orta təbəqə güclənsin, xalqımız daha da yaxşı yaşasın və biz buna nail olacağıq.
Mən bu gözəl gündə xaricdə yaşayan soydaşlarımızı bayram münasibətilə təbrik etmək istəyirəm. Xaricdə yaşayan azərbaycanlılar öz doğma torpağına, doğma Vətəninə bağlıdırlar. Biz çalışırıq ki, onlar öz Vətəni ilə əlaqələrini itirməsinlər. Xaricdə yaşayan azərbaycanlılar, onların övladları, uşaqları, nəticələri də milli ruhda tərbiyə alsınlar. Onlar Azərbaycan dilini bilsinlər, Azərbaycanla bağlı olsunlar. Əlbəttə, onlar yaşadıqları ölkələrin vətəndaşlarıdır və o ölkələrin qanunları ilə yaşamaldırlar.
Ancaq, eyni zamanda, biz imkan verə bilmərik ki, onlar yaşadıqları ölkələrdə öz milli ənənələrini unutsunlar, yaxud da assimilyasiya olsunlar. Bu məqsədlə biz çalışırıq ki, bütün dünyada yaşayan azərbaycanlıları Azərbaycana dəvət edək, onlar Azərbaycanla sıx bağlı olsunlar. Bizim bütün bu sahədəki fəaliyyətimiz buna yönəldilibdir. İlk növbədə, onların həyat səviyyəsinin yaxşılaşması, xaricdə rahat yaşaması üçün tədbirlər görürük, Bakıda çoxlu tədbirlər keçiririk. Eyni zamanda, onların Vətənlə əlaqələri də möhkəm olmalıdır.
Eyni zamanda, mən bu gün Azərbaycanın ərazi bütövlüyünün qorunmasında iştirak edən, səngərdə ölkəmizi müdafiə edən, təhlükəsizliyi təmin edən əsgərləri salamlayıram və onları bu gözəl bayram münasibətilə təbrik edirəm. Azərbaycanın ordusu güclənir, bizim ordu potensialımız möhkəmlənir. Bizim ordumuz istənilən anda ən çətin, ən ağır vəzifəni icra etməyə hazırdır və buna qadirdir. Mən heç şübhə etmirəm ki, Ermənistan-Azərbaycan, Dağlıq Qarabağ münaqişəsi bizim xeyrimizə həll olunacaqdır. Azərbaycanın mövqeyi birmənalıdır və bizim mövqeyimiz günü-gündən möhkəmlənir. Bizim mövqeyimiz beynəlxalq hüquq normalarına əsaslanır və artıq bütün dünya, dünyanın bütün ölkələri, xüsusilə aparıcı ölkələri birmənalı şəkildə, açıq şəkildə Azərbaycanın ərazi bütövlüyünün tanınmasını və müdafiəsini bəyan edirlər. Bu, əlbəttə, bizə əlavə güc verir. Amma ilk növbədə, öz gücümüzə istinad etməliyik, biz güclü olmalıyıq. Biz güclü iqtisadiyyat yaratmalıyıq, güclü ordu yaratmalıyıq və elə etməliyik ki, istənilən anda bu və ya digər yolla öz ərazi bütövlüyümüzü bərpa edək.
Qarşı tərəf, sadəcə, vaxt uzatmaqla məşğuldur. Sadəcə, qeyri-konstruktiv mövqe nümayiş etdirir. Amma bilməlidir ki, vaxt onların yox, bizim xeyrimizə işləyir. Bu gün Azərbaycanın iqtisadiyyatı Ermənistanın iqtisadiyyatından 7 dəfə böyükdür. Nəzərə alsaq, biz hələ böyük enerji layihələrinin əvvəlindəyik, onların ilkin mərhələsini yaşayırıq, onda görmək çətin olmaz ki, bir neçə ildən sonra, iki-üç ildən sonra bizim üstünlüyümüz mütləq üstünlük olacaqdır. Belə olan halda, istənilən məsələ asanlıqla öz həllini tapacaqdır.
Əziz dostlar!
Əziz bacılar və qardaşlar!
Mən xoşbəxtəm ki, bizim ölkəmiz çox sürətlə inkişaf edir. Azərbaycanın həm beynəlxalq imici 
möhkəmlənir, həm də ölkə daxilində sabitlik, sülh, əmin-amanlıq var. İnsanlar sülh, əmin-amanlıq şəraitində yaşayırlar. Çalışıram və çalışacağam ki, bundan sonra hər bir vətəndaşın həyatında müsbət dəyişikliklər daha da çox olsun, insanlar ildən-ilə daha da yaxşı yaşasınlar, ölkəmiz möhkəmlənsin, qüdrətlənsin, çiçəklənsin. Güclü Azərbaycan bizim hamımızın qürur mənbəyidir.
möhkəmlənir, həm də ölkə daxilində sabitlik, sülh, əmin-amanlıq var. İnsanlar sülh, əmin-amanlıq şəraitində yaşayırlar. Çalışıram və çalışacağam ki, bundan sonra hər bir vətəndaşın həyatında müsbət dəyişikliklər daha da çox olsun, insanlar ildən-ilə daha da yaxşı yaşasınlar, ölkəmiz möhkəmlənsin, qüdrətlənsin, çiçəklənsin. Güclü Azərbaycan bizim hamımızın qürur mənbəyidir.Mən bu gözəl gündə sizi bir daha ürəkdən təbrik edirəm. Arzu edirəm ki, ölkəmiz bundan sonra da inkişaf yolu ilə uğurla getsin və Azərbaycan xalqı rahat, firavan yaşasın.
Bayramınız mübarək olsun!
(Dövlətimizin başçısının nitqi böyük diqqətlə dinlənildi və hərarətli alqışlarla qarşılandı).
X X X
Azərbaycan Prezidenti İlham Əliyev İçərişəhərdə keçirilən Novruz şənliklərində də iştirak etdi. Bakının ayrı-ayrı rayonlarının buraya toplaşan nümayəndələri Prezidenti hərarətlə salamladılar. Dövlətimizin başçısı Bakı sakinləri və şənlik iştirakçıları ilə mehribancasına görüşdü, hal-əhval tutdu, onları bayram münasibətilə təbrik etdi. Bahar qız Azərbaycan Prezidentini xalqımızın qədim el bayramı münasibətilə ürəkdən təbrik etdi, Azərbaycanın xoşbəxt gələcəyi, firavanlığı, ölkəmizin dirçəlişi və ərazi bütövlüyünün bərpası naminə gördüyü işlərdə ona uğurlar arzuladı.İncəsənət ustaları, bədii özfəaliyyət kollektivləri xalqımızın adət-
ənənələrini, qədim el sənətlərini nümayiş etdirdilər, “Kosa, Keçəl və Bahar qız” tamaşasını göstərdilər, rəngarəng konsert proqramı ilə çıxış etdilər. Bir tərəfdə isə gənc pəhləvanlar xalça üzərində qurşaq tutur, idmançılar məharətlərini göstərirdilər. Şənlik iştirakçıları qədim xalq mahnılarını ifa edir, milli musiqinin sədaları altında rəqs edirdilər. Novruz şənliklərinin elementlərindən olan xoruz döyüşü də unudulmamışdı.
ənənələrini, qədim el sənətlərini nümayiş etdirdilər, “Kosa, Keçəl və Bahar qız” tamaşasını göstərdilər, rəngarəng konsert proqramı ilə çıxış etdilər. Bir tərəfdə isə gənc pəhləvanlar xalça üzərində qurşaq tutur, idmançılar məharətlərini göstərirdilər. Şənlik iştirakçıları qədim xalq mahnılarını ifa edir, milli musiqinin sədaları altında rəqs edirdilər. Novruz şənliklərinin elementlərindən olan xoruz döyüşü də unudulmamışdı.Prezidenti özlərinə xas sevinclə salamlayan paytaxtın balaca sakinləri unudulmaz Heydər babaya, Vətənə və dövlətimizin başçısına həsr olunmuş mahnılar ifa etdilər.
Sonra Prezident İlham Əliyevi Novruz bayramının əsas personajları olan Kosa və Keçəl qarşıladılar. Kosa dövlətimizin başçısına müraciətlə dedi:
- Cənab Prezident, bayramınız mübarək. Mən Kosa, bu da Keçəl, 
elimizin içində olmuşuq, onların dərdinə, arzularına şərik çıxmışıq. Allah Sizin canınızı sağ eləsin. İnşallah, xalqımızın arzuları çin olacaq, Sizin rəhbərliyinizlə qələbə bizim olacaqdır. Xalqımızın ümummilli lideri, ulu öndərimiz Heydər Əliyevin gördüyü tarixi işlər unudulmur, onun siyasəti Sizin tərəfinizdən ləyaqətlə həyata keçirilir. Ölkəmiz günbəgün inkişaf edir. İnşallah, dövlətimiz bundan sonra daha da güclənəcək, ölkəmiz inkişaf edəcək və xalqımız bir-birindən gözəl bayramlar keçirəcəkdir.
elimizin içində olmuşuq, onların dərdinə, arzularına şərik çıxmışıq. Allah Sizin canınızı sağ eləsin. İnşallah, xalqımızın arzuları çin olacaq, Sizin rəhbərliyinizlə qələbə bizim olacaqdır. Xalqımızın ümummilli lideri, ulu öndərimiz Heydər Əliyevin gördüyü tarixi işlər unudulmur, onun siyasəti Sizin tərəfinizdən ləyaqətlə həyata keçirilir. Ölkəmiz günbəgün inkişaf edir. İnşallah, dövlətimiz bundan sonra daha da güclənəcək, ölkəmiz inkişaf edəcək və xalqımız bir-birindən gözəl bayramlar keçirəcəkdir.Kosa və Keçəl arzu və istəklərinin çin olması üçün Prezidentlə və 
onun xanımı ilə yumurta döyüşdürdülər.
onun xanımı ilə yumurta döyüşdürdülər.Bakının müxtəlif rayonlarından gəlib Novruz şənliyində iştirak edənlər dövlətimizin başçısını səmimiyyətlə salamladılar. Prezident İlham Əliyev burada təndirdə kabab və çörək bişirilməsinə, ipəyirmə, naxışvurma, xalçatoxuma və digər qədim el sənətlərinin nümayişinə baxdı, kəndirbazın çıxışına maraqla tamaşa etdi.
Daha sonra aşıq İslam Qobustanlı Prezidentin şərəfinə mahnı oxudu. Dünya memarlığının gözəl nümunələrindən olan qədim Qız qalasının qarşısında folklor və rəqs qruplarının çıxışı da maraqla qarşılandı.
Dövlətimizin başçısı onun pişvazına və bayram gəzintisinə çıxmış Bakı sakinlərinə və respublika paytaxtının qonaqlarına Novruz münasibətilə bir daha xoş arzularını yetirdi.
Novruz bayramı münasibətilə keçirilən şənliklərdə Baş nazir Artur Rasizadə, Milli Məclisin sədri Oqtay Əsədov, Prezidentin İcra Aparatının rəhbəri Ramiz Mehdiyev və digər rəsmi şəxslər iştirak edirdilər.
Bölmənin digər xəbərləri
