AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Milli bayramınız – Respublika günü münasibətilə Sizə və Sizin simanızda Azərbaycan xalqına ən səmimi təbriklər göndərməyə ürəkdən şadam. Tatarıstanlılar adından və şəxsən öz adımdan Sizə və bütün qardaş Azərbaycan xalqına cansağlığı, xoşbəxtlik və firavanlıq, dövlətinizə tərəqqi və çiçəklənmə arzulayıram.
Tatarıstan-Azərbaycan əlaqələrinin çoxsahəli və dinamik xarakterini, bu əlaqələrin ənənəvi etibarlılığını və xeyirxahlığını böyük məmnuniyyətlə qeyd edirəm. Əminəm ki, Tatarıstan Respublikası ilə Azərbaycan Respublikası arasında qarşılıqlı əlaqələr xalqlarımızın rifahı naminə və ümumən, Rusiya-Azərbaycan əməkdaşlığının möhkəmlənməsi naminə bundan sonra da ardıcıl surətdə inkişaf edəcəkdir. Sizin dəstəyinizə ümid bəsləyirəm.
Səmimi qəlbdən Sizə bütün niyyətlərinizin həyata keçməsini və Azərbaycanın rifahı naminə səmərəli iş arzulayıram.
Hörmətlə,
Mintimer Şaymiyev
Tatarıstan Respublikasının Prezidenti
Kazan, 25 may 2004-cü il.
Bölmənin digər xəbərləri
