AZƏRBAYCAN RƏSSAMLARININ SƏRGİSİ
“Abşeron” rəsm qalereyasında Azərbaycan rəssamlarının əsərlərindən ibarət “Təsviri sənət ənənələri” mövzusunda sərgi açılmışdır.
Sərgidə əsərləri respublikamızda, eləcə də xarici ölkələrdəki muzeylərdə və şəxsi kolleksiyalarda qiymətli təsviri sənət nümunələri kimi saxlanılan17 tanınmış rəssamımızın rəngkarlıq və qraftka janrlarında 42 işi nümayiş etdirilir.
ABŞ-ın “Ernst ənd Yanq” və “Land Tex international” şirkətlərinin sponsorluğu ilə keçirilən sərginin açılış mərasimində Rəssamlar İttifaqı İdarə Heyətinin sədri Fərhad Xəlilov, qalereyanın direktoru Eldəniz İbrahimov və başqaları çıxış edərək, Azərbaycan təsviri sənəntinin inkişafında xüsusi xidmətləri olan görkəmli fırça ustaları Mikayıl Abdullayev, Toğrul Nərimanbəyov, Nadir Əbdürrəhmanov, Kamil Nəcəfzadə və yaşlı nəslə mənsub digər rəssamlarla yanaşı, onların sənət ənənələrini uğurla davam etdirən orta nəsl nümayəndələrindən Məmməd Orucovun, Rza və İradə Avşarilərin işlərinin də tamaşaçıların ixtiyarına verilməsini müsbət hal kimi səciyyələndirdilər, onlara yeni yaradıcılıq nailiyyətləri arzuladılar.
Sərgidə əsərləri nümayiş etdirilən müəlliflər adından çıxış edən xalq rəssamı Kamil Nəcəfzadə mərasim iştirakçılarına və qalereyanın rəhbərliyinə minnətdarlığını bildirdi.
Sərginin açılışında Rusiya Federasının, ABŞ-n, Fransanın ölkəmizdəki səfirliklərinin nümayəndələri, respublikanın mədəniyyət xadimləri iştirak edirdilər.
Bölmənin digər xəbərləri
