Azərbaycan şahmatçısı: Sevinirəm ki, İtaliyada iki dəfə Dövlət Himnimiz səsləndi
Bakı, 17 oktyabr, AZƏRTAC
"Bu günlərdə Prezident İlham Əliyevin dövlət başçısı kimi fəaliyyətinin 20 ili tamam oldu. Hər zaman onun dəstəyini və qayğısını hiss etmişik".
AZƏRTAC xəbər verir ki, bu sözləri İtaliyanın Sardinya adasında keçirilmiş U-20 dünya çempionatının rapid yarışında qızıl medal qazanan Gövhər Beydullayeva Heydər Əliyev Beynəlxalq Aeroportunda jurnalistlərə açıqlamasında deyib.
Dünya çempionu mundial zamanı ona dəstək olan hər kəsə minnətdarlığını bildirib: “Ötən il olduğu kimi, bu il də qızlar və oğlanlar arasında qızıl medal qazanmağı bacardıq. Sevinirəm ki, İtaliyada iki dəfə Dövlət Himnimiz səsləndi. Mənə dəstək olan hər kəsə çox təşəkkür edirəm".
Gənc şahmatçı qarşıda onu daha çətin turnirin gözlədiyini söyləyib: "Bir həftə sonra Böyük Britaniyada "Qrand Svis"də iştirak edəcəyəm. Orada dünyanın ən güclü qadın qrosmeysterləri yarışacaqlar. Həmin turnirdə də yüksək performans göstərmək üçün əlimdən gələni edəcəyəm".
Bölmənin digər xəbərləri
