Azərbaycan və Belarus qarşıdakı ikitərəfli səfərlərin qrafikini müzakirə ediblər
Minsk, 15 yanvar, AZƏRTAC
Belarusun xarici işlər naziri Vladimir Makey Azərbaycanın bu ölkədəki səfiri Lətif Qəndilovla görüşüb.
AZƏRTAC xəbər verir ki, bu barədə Belarus XİN-in mətbuat xidmətindən bildiriblər.
Tərəflər qarşıdakı ali və yüksək səviyyələrdə ikitərəfli səfərlərin qrafikini müzakirə ediblər.
Ticari-iqtisadi əməkdaşlığa və onun 2020-ci ildə yekunlarına xüsusi diqqət ayrılıb. COVID-19 koronavirusunun yayılmasının qarşısının alınması istiqamətində iki ölkədə görülən tədbirlər barədə məlumat mübadiləsi aparılıb.
Görüşdə, həmçinin 2021-ci ildə xarici siyasət qurumlarının əməkdaşlığının gündəliyində duran məsələlər, o cümlədən müxtəlif sahələrdə qarşılıqlı fəaliyyət də müzakirə edilib.
Görüşün yekunlarına əsasən Belarus-Azərbaycan strateji əməkdaşlığının siyasi, ticari-iqtisadi və humanitar sahələrdə bundan sonrakı inkişafı ilə bağlı tədbirlər müəyyən edilib.
Emil Hüseynli
AZƏRTAC-ın xüsusi müxbiri
Minsk
Bölmənin digər xəbərləri
