AZƏRBAYCAN VOLEYBOL FEDERASİYASI ŞAMİL ŞAMXALOV ADINA TƏQAÜD TƏSİS ETMİŞDİR
AZƏRTAC xəbər verir ki, Mulli Qurtuluş Günü Azərbaycan Voleybol Federasiyasında ulu öndər Heydər Əliyevin xatirə guşəsinin açılması, SSRİ-nin əməkdar məşqçisi Şamil Şamxalov adına təqaüdün sahibinə təqdim edilməsi ilə yadda qalacaqdır.
Guşənin açılışına həsr olunmuş tədbirdə Federasiyanın baş katibi Elşən İsmayılov çıxış etmiş, müstəqil Azərbaycan dövlətinin qorunub saxlanılmçasında ulu öndər Heydər Əliyevin xidmətlərini xatırlatmışdır.
Tədbir iştirakçıları ümummilli liderin həyat və fəaliyyətinin müxtəlif məqamlarını əks etdirən guşə ilə tanış olmuşlar.
Sonra unudulmaz idmançı Şamil Şamxalovun adına təsis edilmiş mükafatın təqdimatı mərasimi keçirilmişdir. 300 manat məbləğində olan təqaüdə ilk dəfə Sumqayıtın “Təhsil” voleybol komandasının məşqçisi Elmira Məmmədova layiq görülmüşdür.
Bildirilmişdir ki, Federasiyanın bu təqaüdü hər ay Azərbaycan voleybolunun inkişafında xidmətləri olan bir idmançıya təqdim olunacaqdır.
Bölmənin digər xəbərləri
