AZƏRBAYCAN VOLEYBOLÇULARI SEÇMƏ MƏRHƏLƏLƏRDƏ DAHA 6 OYUN KEÇİRƏCƏK

21.08.2006 [17:26]
Çap et
A⁺ A^-

AZƏRTAC xəbər verir ki, Honkonq şəhərində qadın voleybol yığma komandaları arasında keçirilən dünya “Qran-pri” yarışlarının birinci seçmə mərhələsi başa çatmışdır. Azərbaycan voleybolçuları Rusiya və Çin komandalarına 2:3 hesabı ilə uduzmuş, Tailand yığmasına isə 3:2 hesabı ilə qalib gəlmişlər.

Yarışların ikinci seçmə mərhələsi avqustun 25-27-də Çinin Taypin şəhərində, üçüncü isə sentyabrın 1-3-də Ninbo şəhərində keçiriləcəkdir. Baş məşqçi Faiq Qarayevin yetirmələri ikinci mərhələdə İtaliya, Kuba və Tailand, üçüncü mərhələdə isə Çin, Kuba və Polşa komandaları ilə qarşılaşacaqlar.

Xatırladaq ki, 12 komandanın iştirakı ilə 3 yarımqrupda keçirilən dünya “Qran-pri” yarışlarının final mərhələsi sentyabrın 6-10-da İtaliyanın Recina və Kalabriya şəhərlərində olacaqdır. Seçmə oyunlarda topladığı xallara görə ilk beş yeri tutan komandalar finalda iştirak etmək hüququ qazanacaqdır. İtaliya yıgması seçmə yarışlarda uduzsa belə, ev sahibi kimi finalda iştirak hüququna malikdır.

AZƏRBAYCAN VOLEYBOLÇULARI SEÇMƏ MƏRHƏLƏLƏRDƏ DAHA 6 OYUN KEÇİRƏCƏK

MÜƏLLİFLƏ ƏLAQƏ

Bölmənin digər xəbərləri