AZƏRBAYCANDA AUDİOGÜNDƏLİKLƏR LAYİHƏSİ HƏYATA KEÇİRİLİR
AZƏRTAC-ın müxbiri xəbər verir ki, Böyük Britaniyanın “Barışıq resursları” (BR) qeyri-hökumət təşkilatı Azərbaycanda audiogündəliklər adlı layihəyə başlanmışdır. Bununla bağlı Beynəlxalq Mətbuat Mərkəzində tədbir keçirilmişdir. Təşkilatın meneceri Cohen Conson layihə barədə ümumu məlumat vermişdir. Sonra layihənin Cənubi Qafqaz üzrə əlaqələndiricisi xanım Yelena Kuk çıxış edərək, layihə ilə bağlı ölkəmizdə görülən işlərdən danışmışdır. Onlar jurnalist fəaliyyətinin bu metodunu “Xalq yayımı”nın nümunəsi kimi dəyərləndirmişlər.
Məlumat üçün bildirək ki, layihə jurnalistin iştirakı olmadan sadə insanların danışıqlarının yazılmasından ibarətdir. Bu audioyazılar montaj olunaraq, 3-5 dəqiqədən ibarət qısa hekayələr şəklində radio dinləyicilərinə çatdırılır. Bu janrın üstünlüyü odur ki, insanlar öz problemləri, dərdləri, qarşılaşdıqları çətinliklər və digər məsələlər barədə fikirlərini sərbəst olaraq söyləyirlər. Bu işdə jurnalistin fəaliyyəti belə adamları tapmaq və sonradan audioyazı üzərində montaj işləri aparmaqdır.
Bölmənin digər xəbərləri
