AZƏRBAYCANDA DÜNYA GƏNCLƏRİNİN MƏŞĞULLUQ SAMMİTİ KEÇİRİLƏCƏKDİR
AZƏRTAC xəbər verir ki, Bakıda sentyabrın 24-dən 27-dək Dünya Gənclərinin 4-cü məşğulluq sammiti (YES) keçiriləcəkdir.
Heydər Əliyev Fondunun, Gənclər və İdman Nazirliyinin və “Youth Employment Systems (YES İnc.)” təşkilatının keçirəcəyi sammitin məqsədi gənclərin işsizlik və digər problemlərinin həlli istiqamətində daha fəal işlərin görülməsini təmin etməkdir.
Sammitdə 100-dən çox ölkədən 600-ə yaxın nümayəndənin, eləcə də bir sıra ölkələrin dövlət və hökumət rəsmilərinin, biznes strukturlarının, beynəlxalq təşkilatların təmsilçilərinin iştirakı gözlənilir.
YES-in ilk sammiti 2002-ci ildə Misirin İsgəndəriyyə şəhərində, 2-ci sammit 2004-cü ildə Meksikanın paytaxtı Mexikoda, 3-cü isə 2006-cı ildə Keniyanın paytaxtı Nayrobidə keçirilmişdir.
Bölmənin digər xəbərləri
