“AZƏRBAYCANDA GÖMRÜK XİDMƏTLƏRİNİN MÜASİRLƏŞDİRİLMƏSİ” LAYİHƏSİ HƏYATA KEÇİRİLƏCƏKDİR
Avropa Birliyinin Azərbaycan Respublikasına Texniki Yardım üzrə Milli Əlaqələndirmə Bürosundan AZƏRTAC-ın müxbirinə bildirmişlər ki, bu ilin sonlarından başlayaraq TACİS Proqramı çərçivəsində “Azərbaycanda gömrük xidmətlərinin müasirləşdirilməsi” layihəsi həyata keçiriləcəkdir. Layihədə qanunvericilik və gömrük qaydaları, gömrüyə nəzarət, informasiya texnologiyaları strategiyası, insan resurslarının idarə olunması məsələləri nəzərdə tutulmuşdur. Avropa Komissiyası layihənin həyata keçirilməsi üçün 700 min avro, ayrıca olaraq avadanlıq alınmasından ötrü isə 100 min avro vəsait ayırmışdır.
Xatırladaq ki, layihə Azərbaycan hökuməti ilə Avropa Birliyi arasında 1996-cı ildə imzalanmış Tərəfdaşlıq və Əməkdaşlıq Sazişinə uyğun olaraq iki il müddətində həyata keçiriləcəkdir.
Bölmənin digər xəbərləri
