AZƏRBAYCANDA KİÇİK SES-LƏRİN TİKİNTİSİ ÜÇÜN İMKANLAR GENİŞDİR
Sənaye və Energetika Nazirliyindən AZƏRTAC-a bildirmişlər ki, respublika ərazilərində kiçik su elektrik stansiyaılarının inşası məqsədilə 100-dən çox layihə hazırlanmışdır. Azərbaycanın tam hidroenerji potensialı 40,0 milyard kvtsaatdır və onun texniki səmərəliliyi ildə 16,0 milyard kvtsaata yaxındır. Bunun 5,0 milyard kvtsaatını kiçik su elektrik stansiyaları istehsal edə bilər və bununla da hər il istilik elektrik stansiyalarında yandırılan 850 min ton mazut yanacağına qənaət etmək olar. Su elektrik stansiyalarının tikintisi elektrik enerjisi istehsalı ilə bərabər sel sularının tənzimlənməsi və yeni suvarma sistemlərinin yaradılması kimi mühüm dövlət əhəmiyyətli məsələləri də həll etmiş olar.
Bölmənin digər xəbərləri
