AZƏRBAYCANDA ŞAHMATIN İNKİŞAFI İLƏ ƏLAQƏDAR DÖVLƏT PROQRAMI HAZIRLANIR
Gənclər və idman nazirinin müavini İsmayıl İsmayılov AZƏRTAC-ın müxbirinə demişdir ki, Azərbaycanda şahmatın inkişafı ilə əlaqədar Dövlət Proqramı hazırlanır. Sənədin təsdiqindən sonra bu sahədə mühüm işlər görüləcəkdir.
Onun dediyinə görə, bu gün ölkəmizdə 157 idman məktəbi fəaliyyət göstərir və onların əksəriyyəti şahmat məktəbləridir.
Nazir müavini onu da bildirmişdir ki, Beynəlxalq Şahmat Federasiyasının (FİDE) reytinq cədvəlində Azərbaycanın iki şahmatçısı - Teymur Rəcəbov və Şəhriyar Məmmədyarov ilk onluqda təmsil olunurlar. Bu da Azərbaycan üçün böyük nailiyyətdir.
Bölmənin digər xəbərləri
