AZƏRBAYCANDA TATARISTAN MƏDƏNİYYƏTİ GÜNLƏRİ KEÇİRİLƏCƏK
Mədəniyyət günləri çərçivəsində qonaqlar Fəxri xiyabanda ulu öndər Heydər Əliyevin məzarını, Şəhidlər xiyabanını ziyarət edəcək, Mədəniyyət və Turizm Nazirliyində nazir Əbülfəs Qarayevlə görüşəcəklər.
Muzey Mərkəzində “Tatarıstan rəssamlarının müasir incəsənəti” sərgisinin, Azərbaycan Dövlət Musiqili Komediya Teatrında Tatarıstan mədəniyyət günlərinin təntənəli açılış mərasimləri olacaqdır. Teatrda Tatarıstan incəsənət ustalarının konserti nəzərdə tutulur.
Sonrakı günlərdə Xırdalan şəhərində Tatarıstan incəsənət ustaları konsert verəcək, nümayəndə heyətinın M.F.Axundov adına Milli Kitabxanada görüşündə XIX-XX əsrlərdə Azərbaycanda milli-demokratik hərəkata həsr olunan kitabların elektron variantı da təqdim ediləcəkdir.
Bölmənin digər xəbərləri
