İQTİSADİYYAT
Azərbaycanda vergi yükü digər ölkələrlə müqayisədə aşağıdır
Bakı, 30 aprel, Ramiz Quliyev, AZƏRTAC
Azərbaycanda Əlavə Dəyər Vergisindən (ƏDV) yayınma halları çox aşağı səviyyədədir.
AZƏRTAC Vergilər.az saytına istinadla bildirir ki, ticarət şəbəkələri apardıqları əməliyyatları tam həcmdə qanunvericilikdə nəzərdə tutulmuş qaydada rəsmiləşdirdiyi və Vergi Məcəlləsində sahibkar üçün müəyyən edilən hüquqlardan düzgün istifadə etdikləri halda, əlavə vergi yükü yaranmır.
Nüfuzlu beynəlxalq təşkilat olan “Heritage Fondu”nun məlumatına görə, Azərbaycanda vergi yükü 2015-ci il üçün 13,3 faiz təşkil edib ki, bu da inkişaf etmiş ölkələrin, həmçinin qonşu dövlətlərin vergi yükündən aşağıdır. Belə ki, bu rəqəm Qazaxıstanda 14 faiz, Gürcüstanda 24,8 faiz, Belarusda 25,4 faiz, İtaliyada 42,6 faiz, Fransada isə 45 faiz təşkil edir.