Azərbaycanın biomüxtəlifliyin mühafizəsinə dair konvensiyalara qoşulması müsbət nümunə olacaq
Bakı, 17 oktyabr, AZƏRTAC
Azərbaycanın unikal coğrafi mövqeyi və landşaftların müxtəlifliyi bizdə 410-dan çox quş növünün qeydə alınmasına gətirib çıxarsa da, bir çox ərazilər, hətta Xüsusi Mühafizə Olunan Təbiət Əraziləri də müxtəlif təhdidlərlə qarşı-qarşıyadır.
Bu sözləri AZƏRTAC-a müsahibəsində ornitoloq, müstəqil araşdırmaçı Zülfü Fərəcli deyib.
Onun sözlərinə görə, Azərbaycan bu qədər əhəmiyyətli köç rotası üzərində yerləşməsinə baxmayaraq, “Köçəri Növlərin Mühafizəsi Konvensiyasına” (CMS) qoşulmayıb. “Qeyd edim ki, dünyada 133 ölkə bu beynəlxalq konvensiyaya qoşularaq öz üzərinə öhdəliklər götürüb. Ölkəmizin də COP29 kimi qlobal tədbirə ev sahibliyi etdiyi vaxtda bu cür biomüxtəlifliyin mühafizəsi üçün nəzərdə tutulmuş konvensiyalara qoşulması və üzərinə konkret öhdəliklər götürməsi müsbət nümunə olacaq”, - deyə o əlavə edib.
Bölmənin digər xəbərləri
