Bakı, 28 sentyabr, AZƏRTAC

Azərbaycanın daha bir bədii gimnastı Zəhra Cəfərova Monteneqronun Budva şəhərində keçirilən Balkan Kubokunda qızıl medal qazanıb.

Azərbaycan Gimnastika Federasiyasından AZƏRTAC-a verilən məlumata görə, yığma üzvü top, lent və çoxnövçülük proqramları üzrə birinci yerin sahibi olub.

Daha əvvəl milli komandanın digər gimnastı Şəms Ağahüseynova da eyni proqramlar üzrə fəxri kürsünün ən yüksək pilləsinə qalxıb.

Sentyabrın 26-sı start götürən yarışa ayın 29-u yekun vurulacaq.