“AZƏRBAYCANIN GƏLƏCƏYİ GƏNC ALİMLƏRİN GÖZÜ İLƏ” MÖVZUSUNDA KONFRANS KEÇİRİLMİŞDİR
AMEA rəyasət heyətinin binasında təşkil olunan tədbirdə akademiyanın müxbir üzvü bu qurumun ictimai elmlər bölməsinin akademik katibi Ağamusa Axundov, Milli Məclisin deputatları Əkrəm Abdullayev, ARGTMŞ-nin sədri Fuad Muradov çıxış edərək, potensial qüvvəyə malik gənc alimlərin bacarığından dövlətin sürətli inkişafı naminə istifadə olunmasının, onların yaradıcılıq, tədqiqat həvəsinin artırılması üçün münbit şərait yaradılmasının vacibliyindən danışmışlar. Bildirilmişdir ki, dövlətin təhsil siyasəti bu gün bakalavr, magistr və aspirantların öz potensial imkanlarını aşkara çıxarmasına şərait yaradır.
Müxtəlif sahələrdə elmi yaradıcılıqla məşğul olan gənclərin “Müstəqil Azərbaycanın sosial-iqtisadi inkişaf perspektivləri”, “Münbit investisiya mühiti iqtisadi inkişaf strategiyasının mühüm elementi kimi”, “Gənc alimlərin problemlərinin həllində müxtəlif aspektlər”, “İnformasiya cəmiyyətində Azərbaycan gəncliyi” və sair mövzularda məruzələri dinlənilmişdir.
Bölmənin digər xəbərləri
