AZƏRBAYCANIN GƏNC ŞAHMATÇILARI OLİMPİADADA 9-CU YERİ TUTMUŞLAR
Bakı, 3 oktyabr (AZƏRTAC). Azərbaycanın yığma komandası 16 yaşadək şahmatçılar arasında Türkiyənin Akxisar şəhərində başa çatmış olimpiadada 9-cu yeri tutmuşdur.
Sonuncu turda milli komandamız “Türkiyə-Türkaz”ın şahmatçılarına 1,5:2,5 hesabı ilə məğlub olaraq, 22,5 xalla ilk onluqda yer almışlar.
Olimpiadanın qalibi adına isə 40 mümkün xaldan 30 xal toplamış Rusiya yığması layiq görülmüşdür.
İyirmi iki kollektivin qatıldığı olimpiada İsveçrə sistemi üzrə keçirilirdi.
Bölmənin digər xəbərləri
