Azərbaycanın MMA döyüşçüsü: Çalışacağıq ki, döyüş vaxtından tez qurtarsın
Bakı, 2 noyabr, AZƏRTAC
"Ölkəmizdə belə bir yarışın keçirilməsi böyük təşəbbüsdür".
AZƏRTAC xəbər verir ki, bu sözləri Azərbaycanın MMA idmançısı Mehman Məmmədov “Rizin” Döyüş Federasiyasının Bakıda keçiriləcək “Landmark 7” turniri ilə bağlı təşkil olunmuş mətbuat konfransında deyib.
O, döyüşün hərarətli və maraqlı keçəcəyinə inandığını bildirib: "Hər üç raund üçün hazıram. İnanıram ki, qalib gələcəyəm. Çalışacağıq ki, döyüş vaxtından tez qurtarsın".
İdmançı rəqibinin dəyişilməyi ilə bağlı məsələyə də toxunub: "Yeni rəqibim türk idmançı Fərid Göktəpədir. O, mənimlə döyüşməyi yarışın başlamasına iki gün qalmış qəbul etdi. Güclü idmançıdır, amma mən ondan daha güclüyəm”.
Qeyd edək ki, turnir noyabrın 4-ü start götürəcək.
Bölmənin digər xəbərləri
