AZƏRBAYCANIN MÜSTƏQİLLİYİNİN 10 İLLİYİNƏ HƏSR OLUNMUŞ SƏRGİ
“Azərbaycan dünyası” qalereyasında ölkəmizin müstəqilliyinin 10 illiyinə həsr olunmuş sərgi açılmışdır. Sərgidə 35 rəssamın 55 əsəri - Azərbaycanın görkəmli tarixi şəxsiyətləri və mədəniyyət xadimlərindən Şah İsmayıl Xətainin, Məhəmməd Füzulinin, Üzeyir Hacıbəyovun, general Əliağa Şıxlinskinin, Məmməd Əmin Rəsulzadənin və adları ölkşəmizin tarixinə əbədi həkk olunmuş bir sıra digər şəxsiyyətlərin portretləri təqdim edilmişdir. Ekspozisiyanın mərkəzində Rafael Abbasovun Azərbaycan Prezidenti Heydər Əliyevə həsr olunmuş “Düşüncələr” tablosu durur.
Qalereyanın direktoru, əməkdar rəssam Arif Hüseynov açılış mərasimində çıxış edərək, nümayiş etdirilən əsərləri Azərbaycan tarixinin salnaməsi kimi səciyyələndirmişdir. Qalereya həmin əsərlərin kataloqunu da hazırlamışdır.
Sərginin açılışında rəssamlar ittifaqının sədri Fərhad Xəlilov, reklamçılar ittifaqının sədri Hacıəmi Atakişiyev, Böyük Vətən müharibəsi qəhrəmanı, tarix elmləri doktoru Məzahir Abbasov çıxış etmişlər.
Bölmənin digər xəbərləri
