AZƏRBAYCANIN QADINLARDAN İBARƏT OTÜSTÜ XOKKEY YIĞMA KOMANDASI YENİ REYTİNQ SİYAHISINDA ÜÇ PİLLƏ İRƏLİLƏMİŞDİR
Beynəlxalq Otüstü Xokkey Federasiyası qadınlardan ibarət otüstü xokkey komandalarının yeni reytinq siyahısını açıqlamışdır.
Azərbaycan Otüstü Xokkey Federasiyasının mətbuat xidmətinin rəhbəri Yaqub Nuriyev AZƏRTAC-a bildirmişdir ki, qadınlardan ibarət otüstü xokkey yığmamız yeni reytinq siyahısında 421 xalla 65 komanda arasında 15-ci yerə yüksəlmişdir.
Azərbaycan yığmasının Bakı Otüstü Xokkey Kompleksində keçirilmiş “AtaHoldinq Çelenc Xokkey” beynəlxalq turnirində iştirakına görə aktivinə 90 xal əlavə edilmiş və komandamız reytinq sıralanmasında 3 pillə irəliləmişdir.
Bakıda keçirilmiş beynəlxalq turnirin qalibi olmuş Çin yığma komandasının aktivinə 195 xal əlavə edilmiş və milli reytinq siyahısında 5-ci yerə qalxmışdır.
Hazırda Hollandiya yığması 2 min 144 xalla reytinq cədvəlinə başçılıq edir. Argentina yığması ikinci, Avstraliya millisi isə üçüncü yeri tutur.
Bölmənin digər xəbərləri
