Azərbaycanın qeyri-neft sektoruna investisiyalar birinci rübdə 51,7 faiz artıb
Bakı, 8 iyun, AZƏRTAC
Azərbaycanın qeyri-neft sektoruna investisiyalar birinci rübdə 51,7 faiz artıb.
AZƏRTAC xəbər verir ki, bu sözləri iqtisadiyyat nazirinin müavini Sahib Məmmədov "Heydər Əliyev və Azərbaycan sahibkarlığı" mövzusunda yerli şirkətlərin sərgisində çıxışı zamanı söyləyib.
Bildirib ki, son 20 ildə Azərbaycan iqtisadiyyatı 4 dəfə, ixrac isə 15,6 faiz artıb. Məşğulluq, əmək haqları, sosial müavinətlər və pensiyalar sürətlə artmaqdadır. Azərbaycanın qeyri-neft ixracı 21,8 faiz, həmçinin əmtəə dövriyyəsi, xüsusən Azərbaycandan ixrac artıb.
İnvestisiya mühitindən danışan S.Məmmədov qeyd edib ki, bu artıma bütün ölkə ərazisində, o cümlədən Qarabağda və Naxçıvanda azad iqtisadi zonaların yaradılması səbəb olur.
"Qarabağda tikinti-yenidənqurma işləri görülür, sahibkarlar üçün müvafiq təşviqedici tədbirlər və güzəştlər mövcuddur. Hesab edirəm ki, bütün bu və gələcək işlər ölkəmizin iqtisadiyyatına investisiyaların qoyuluşunun artmasına imkan yaradacaq", - deyə nazir müavini vurğulayıb.
Bölmənin digər xəbərləri
