AZƏRBAYCANIN TAEKVONDO ÜZRƏ YIĞMA KOMANDASI AÇIQ ÖLKƏ ÇEMPİONATININ QIZIL MEDALLARINA SAHİB OLMUŞDUR

20.08.2006 [19:44]
Çap et
A⁺ A^-

AZƏRTAC xəbər verir ki, avqustun 20-də Bakı İdman Sarayında taekvondo üzrə açıq ölkə çempionatına yekun vurulmuşdur. “A” kateqoriyalı beynəlxalq turnir sayılan bu yarışda Azərbaycan, Türkiyə, Ukrayna, Rusiya, Gürcüstan, Belarus, Kipr, Moldova, İsrail, Polşa və Estoniyanın 100-dən artıq kişi və qadın idmançısı mübarizə aparmışdır. Yarışın son günü daha 4 çəkidə qaliblər müəyyənləşmişdir.

Kişilərin mübarizsində Ziya Qasımov (58 kq, Azərbaycan) vəTəvəkgül Bayramov (80 kq-dan yuxarı, Azərbaycan) fəxri kürsünün ən yüksək pilləsinə qalxmışlar.

Qadın taekvondoçular arasında isə türkiyəli Zeynəb Kirez (57 kq-a qədər) və ukraynalı Tatyana Kokido (67 kq-a qədər) qızıl medallara sahib olmuşlar.

Ümumi komanda hesabında Azərbaycan yığması birinci, Türkiyə komandası ikinci, Ukrayna taekvondoçuları isə üçüncü yer tutmuşlar.