Azərbaycanın təhsil işçiləri Tbilisidə Ulu Öndərin abidəsini ziyarət ediblər
Tbilisi, 27 noyabr, AZƏRTAC
Azərbaycanın elm və təhsil nazirinin müavini Həsən Həsənlinin rəhbərlik etdiyi nümayəndə heyəti Gürcüstana səfərə gəlib.
AZƏRTAC xəbər verir ki, səfər çərçivəsində Həsən Həsənli, Azərbaycanın Gürcüstandakı səfiri Faiq Quliyev, nümayəndə heyətinin üzvləri Tbilisidəki Heydər Əliyev Parkında Ulu Öndərin abidəsini ziyarət edib, dahi şəxsiyyətin xatirəsini ehtiramla yad ediblər.
Bildirilib ki, Azərbaycan nümayəndə heyətinin üzvləri səfər çərçivəsində Gürcüstanın təhsil və elm naziri, Tbilisi Dövlət və Gürcüstan Texniki universitetlərinin rektorları ilə görüşlər keçirəcək, təhsil sahəsində ölkələr arasında qarşılıqlı əməkdaşlıq və digər məsələlər müzakirə ediləcək.
Qeyd edək ki, nümayəndə heyətinə Azərbaycanın elm və təhsil nazirinin müşaviri Simuzər Feyzullayeva, Bakı Dövlət Universitetinin (BDU) rektoru Elçin Babayev, Elm və Təhsil Nazirliyinin Beynəlxalq Əməkdaşlıq Departamentinin rəhbəri Tural Əhmədov, BDU-nun Təhsil prosesinin təşkili və idarə edilməsi departamentinin rəhbəri Elçin Məmmədov daxildirlər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
