İDMAN
Azərbaycanın veteran cüdoçuları Avropa çempionatında iştirak edəcəklər
Bakı, 7 iyun , AZƏRTAC
Azərbaycanın veteran cüdoçuları Avropa çempionatında iştirak edəcəklər.
Bu barədə AZƏRTAC-a Azərbaycan Cüdo Federasiyasından məlumat verilib.
İyunun 8-10-da Sloveniyanın Podçetrtek şəhərində keçiriləcək usta cüdoçular arasında Avropa çempionatına 37 ölkədən 669 idmançı qatılacaq. Çempionatda Azərbaycan 7 yaş kateqoriyası üzrə 36 idmançı ilə təmsil olunacaq. Veteranlardan ibarət komandamıza baş məşqçi Fərhad Rəcəbli rəhbərlik edəcək.
Yarışda Azərbaycan Cüdo Federasiyasının A kateqoriyalı beynəlxalq dərəcəli hakimi Fariz Hüseynov ədalət təmsilçiləri arasında yer alacaq.