Azərbaycanlı alimin məqaləsi impakt faktorlu jurnalda dərc olunub
Bakı, 15 may, AZƏRTAC
AMEA-nın Molekulyar Biologiya və Biotexnologiyalar İnstitutunun Beynəlxalq bionanotexnologiya laboratoriyasının müdiri, biologiya elmləri doktoru Süleyman Allahverdiyevin məqaləsi impakt faktoru 11.880 olan “Nature communications” jurnalında dərc edilib. Bu barədə AZƏRTAC-a AMEA-dan bildirilib.
“Fotosistem 1-də xlorofill f-in (Clf) adaptasiyası və fəaliyyətinin struktur əsasları” başlıqlı məqalədə krioelektron mikroskopiya metodu ilə yüksək ayırıcılıqla fotosistem 1-in quruluş analizinin nəticələri əksini tapıb. Məqalədə bildirilir ki, Clf uzaq qırmızı işığın toplanmasında iştirak edərək enerjinin ötürülməsini gücləndirir və genlərdə nukleotid ardıcıllığında baş verən dəyişikliklər Clf-in birləşməsi üçün əhəmiyyətlidir.
Bölmənin digər xəbərləri
