Azərbaycanlı alimin məqaləsi yüksək impakt faktorlu jurnalda
Bakı, 19 oktyabr, AZƏRTAC
Bakı Dövlət Universitetinin (BDU) Zərif üzvi sintez elmi-tədqiqat laboratoriyasının böyük elmi işçisi, dosent Əli Xəlilovun məqaləsi “Web of Science Clarivate Analytics” elmmetrik beynəlxalq bazasına daxil olan yüksək impakt faktorlu jurnalda dərc olunub.
BDU-dan AZƏRTAC-a bildiriblər ki, “Bəzi yeni mezitilaminpropanolların sitotoksik təsiri, spektroskopiyası, DFT, enzim inhibə və molekulyar dokinq tədqiqatları: antidiabetik, antixolinergik və xərçəng əleyhinə imkanlar” (Cytotoxic effect, spectroscopy, DFT, enzyme inhibition, and moleculer docking studies of some novel mesitylaminopropanols: Antidiabetic and anticholinergics and anticancer potentials) adlı məqalə impakt faktoru 6.165 olan “Journal of Molecular Liquids” jurnalında yer alıb.
Məqalədə müəllif tərəfindən sintez edilmiş aminspirtlərin Türkiyədən olan tədqiqatçılarla elmi əməkdaşlıq çərçivəsində spektroskopik (NMR, UV-Vis, İQ) metodlarla nəzəri və eksperimental tədqiqi aparılıb.
Bölmənin digər xəbərləri
