AZƏRBAYCANLI HİDROGEOLOQ NATO-NUN EKSPERTİ TƏYİN EDİLMİŞDİR
Azərbaycan Milli Elmlər Akademiyası (AMEA) Yer elmləri bölməsinin mətbuat xidmətindən AZƏRTAC-a bildirmişlər ki, bu günlərdə NATO-nun elm bölməsində Ətraf Mühitin Təhlükəsizliyi Şurası yaradılıb. AMEA-nın Geologiya İnstitutunun geologiya, hidrogeologiya və mühəndis geologiyası şöbəsinin müdiri Rauf İsrafilov şuranın üzvü təyin edilib. Üzvləri iki ildən bir dəyişdiriləcək şuranın rəsmi açılışı oktyabrın 11-13-də NATO-nun Brüsseldəki qərargahında keçiriləcək.
Azərbaycan geologiyası NATO-da belə bir uğuru ilk dəfədir ki, qazanır. Ölkəmiz bu təşkilatdan alınan qrantın çoxluğuna görə qabaqcıl yerlərdən birini tutur. Geologiya İnstitutu uzun illərdir ki, bu mötəbər təşkilatla əməkdaşlıq edir. Bu əməkdaşlıq mühüm müqavilələr imzalamaq, Azərbaycanda və digər ölkələrdə beynəlxalq konfranslar, seminarlar təşkil edilməklə həyata keçirilir.
Bölmənin digər xəbərləri
