“Azərikmya” İB-nin müəssisəsinin çirklənmiş 4 hektara yaxın ərazisində rekultivasiya işləri başa çatmışdır
Sumqayıt, 18 aprel (AZƏRTAC). Azərbaycan Respublikası Dövlət Neft Şirkətinin (ARDNŞ) “Azərikmya” İstehsalat Birliyinin (İB) etilen-polietilen zavodunun qaz və maye karbohidrogenlərin qazlaşdırılması, sıxılması və saxlanması sexinin 2 nömrəli neft məhsullarının saxlanması parkında neft və neft məhsulları ilə çirklənmiş 4 hektara yaxın ərazidə üç ay davam edən bioremedasiya üsulu ilə rekultivasiya işləri başa çatdırılmışdır.
İstehsalat Birliyinin mətbuat xidmətindən AZƏRTAC-a bildirmişlər ki, ərazinin yararlı hala salınması məqsədilə buraya 450 kubmetr quru ot, 200 ədəd saman, 520 kubmetr perlit və 1000 kubmetrdən artıq peyin verilmişdir.
Birliyin nəqliyyat və xüsusi texnika idarəsinin xeyli sayda maşın və mexanizmlərinin yaxından iştirakı və qurumun məsul şəxslərinin nəzarəti altında müvafiq texnologiyalar əsasında rekultivasiya edilmiş ərazidə hazırda hamarlama və çəpərləmə işləri aparılır.
Bölmənin digər xəbərləri
