“AZƏRİQAZ” BU İL TƏXMİNƏN 10 MİLYARD KUBMETR QAZ ALMIŞDIR
“Azəriqaz” Qapalı Səhmdar Cəmiyyətindən AZƏRTAC-a bildirmişlər ki, bu il Dövlət Neft Şirkətindən təhvil alınmış 4 milyard 500 milyon kubmetrə yaxın qaz bütünlüklə əhalinin, sənaye müəssisələrinin və təşkilatların tələbatının ödənilməsinə yönəldilmişdir. Rusiyanın “Qazeksport” şirkətindən idxal edilmiş 4 milyard 500 milyon kubmetr qaz isə elektrik stansiyalarının tələbatını ödəmişdir.
Gələn il ARDNŞ-dən 4 milyard 900 milyon kubmetr mavi yanacaq almaq planlaşdırılır. “Əsrin müqaviləsi”nə uyğun olaraq, “Mərkəzi Azəri” və “Çıraq” platformalarından hasil edilən səmt qazı may ayından Səngəçal terminalı ilə “Azəriqaz”a verilir. İndiyədək bu sistemlə 800 milyon kubmetr qaz alınmışdır.
Bölmənin digər xəbərləri
