“AZƏRİQAZ” İB-DƏ “QAYNAR XƏTT” FƏALİYYƏTƏ BAŞLAMIŞDIR
Bakı, 16 fevral (AZƏRTAC). Dövlət Neft Şirkətinin “Azəriqaz” İstehsalat Birliyində “qaynar xətt” fəaliyyətə başlamışdır.
Şirkətin mətbuat xidmətindən bildirmişlər ki, bundan sonra vətəndaşlar ölkənin qaz təchizatı sistemi ilə bağlı yaranmış problem, təklif və suallarla gün ərzində istənilən vaxt 185 nömrəsinə zəng edə bilərlər. Ölkənin qaz təchizatı sistemində “mavi yanacaq”dan istifadə qaydalarının pozulması, onları doğuran səbəblərin aradan qaldırılması, mənzillərdə və digər obyektlərdə təbii qazdan düzgün istifadə qaydaları, eləcə də qaz təsərrüfatında yaranmış problemlərlə bağlı abonentləri maraqlandıran suallar da “qaynar xətt” vasitəsilə cavablandırılacaqdır.
Bölmənin digər xəbərləri
