Uqanda nümayəndəsi: WUF13 faydalı platformadır
Bakı, 18 may, AZƏRTAC
Bakının ev sahibliyi etdiyi Ümumdünya Şəhərsalma Forumunun 13-cü Sessiyası (WUF13) şəbəkələşmə, tərəfdaşlıqların qurulması, o cümlədən qlobal mənzil böhranı ilə bağlı çağırışların həll yollarının tapılması baxımından böyük əhəmiyyət daşıyır.
Bu fikri AZƏRTAC-a açıqlamasında WUF13-də iştirak edən Uqandanın Alternativ Sığınacaq və Yaşayış Məntəqələri Təşkilatının icraçı direktoru Dorosi Bazive deyib.
Onun sözlərinə görə, bu tədbir bütün maraqlı tərəflərin bir araya gələrək, müzakirələr aparmaq, innovasiyalar və icra mexanizmləri təqdim etmək baxımından da faydalı platformadır: "Düşünürəm ki, bu tədbir, həmçinin Azərbaycanda tətbiq olunan innovativ yanaşmaların və inkişaf etmiş infrastrukturun qlobal səviyyədə təşviq olunması baxımından da böyük əhəmiyyət daşıyır. İnanıram ki, Azərbaycan bu sahədəki təcrübəsini bölüşməklə regionun inkişafına təkan vermiş olar".
Bölmənin digər xəbərləri
