“Azəriqaz” İB-də Ümumdünya Əməyin Mühafizəsi Günü qeyd olunub
Bakı, 28 aprel, AZƏRTAC
Ümumdünya Əməyin Mühafizəsi Günü ilə əlaqədar olaraq SOCAR-ın “Azəriqaz” İstehsalat Birliyində (İB) görüş keçirilib.
İB-in mətbuat xidmətindən AZƏRTAC-a bildiriblər ki, tədbirdə bütün qabaqcıl şirkət və təşkilatların prioriteti hesab edilən sağlamlıq, əməyin mühafizəsi və təhlükəsiz əmək şəraitinin yaradılması aktuallığının bu gündə də qorunub saxlanıldığı qeyd olunub.
Görüşdə çıxış edən İB-in baş direktoru Ruslan Əliyev və digər rəhbər şəxslər istehsalatda əməyin təhlükəsizlik qaydalarından söz açaraq, vacib məsələlərə toxunublar. Tədbir çərçivəsində vəzifə funksiyalarının icrası zamanı yüksək peşəkarlıq nümayiş etdirən, əməyin mühafizəsi və təhlükəsizliyi sahəsində nümunəvi davranışlarına görə fərqlənən bir sıra əməkdaşlar SOCAR “Azəriqaz” İB rəhbərliyi tərəfindən fəxri fərman və hədiyyə ilə mükafatlandırılıblar.
Beynəlxalq Əmək Təşkilatı (BƏT) tərəfindən dəstəklənərək 2003-cü ildən etibarən hər il aprelin 28-i Ümumdünya Əməyin Mühafizəsi Günü kimi qeyd olunur.
Bölmənin digər xəbərləri
