“Azərişıq” ASC-nin nümayəndəsi: İnnovativ texnologiyalar rəqəmsal şəbəkələrin qurulması üçün zəruri şərtlərdən biridir
Şuşa, 13 may, AZƏRTAC
Şuşa şəhərində inşa edilmiş Elektrik Şəbəkələrinin İnnovativ Texnologiyalar Mərkəzi işğaldan azad olunmuş ərazilərdə tədqiq olunan innovativ texnologiyalar haqqında elektron məlumatları həm elektroenergetika sahəsində olan mütəxəssislərə, həm də qonaqlara təqdim edə bilir. Digər tərəfdən bu innovativ texnologiyalar rəqəmsal şəbəkələrin qurulması üçün zəruri şərtlərdən biridir.
Bunu Şuşada AZƏRTAC-a açıqlamasında “Azərişıq” ASC-nin Tədris və İnnovasiyalar Mərkəzinin direktoru Araz Məmmədzadə bildirib.
“Yaşıl enerji zonasının tələblərinə uyğun olaraq İnnovativ Texnologiyalar Mərkəzinin dam örtüyündə günəş enerjisi sistemi qurulub. Bu da gələcəkdə bərpa olunan enerji mənbələrinin paylayıcı şəbəkələrdə geniş istifadəsinə imkanlar yaradır. Əlavə olaraq, Mərkəzin həyətyanı sahəsində elektromobillərin enerjidoldurma cihazları da quraşdırılıb. Yaxın gələcəkdə elektromobillərin paylayıcı şəbəkələrdə tətbiqi və onların enerji ilə təchizatı üçün müvafiq şərait yaradılıb”, - deyə o əlavə edib.
Bölmənin digər xəbərləri
